LAOAG CITY – Pinasingkedan ni Ms. Susan Gagarin ti mangidadaulo ti Land Transportation Office (LTO) ditoy ciudad ti Laoag a naruayen dagiti plastic Identification cards para iti driver’s license.
Segun kenkuana a dagiti naikkan ti temporaryo nga Identification card wenno dagiti nag-backlog ket mabalinen a masuktan, agturong da laeng iti nasao a pangopisinaan.
Kunana a no adda dagiti agrenew ket dagusen a maala da ti driver’s license-da.
Maipalagip a dakkel problema ti ahensya ti kinakurang ti plastik Identification cards idi napalpalabas a tawen.
No pay kasta inpasigurado ni Gagarin nga adda umdas a suplay para ita a tawen.
