LAOAG CITY – Nagballaag ni Mrs. Susan Gagarin, mangidadaulo ti Land Transportation Office ditoy siudad ti Laoag a masapol a dagiti laeng empleado ti opisinada ti kasaritada tapno maliklikan a mabiktima ti pannakaallilaw.
Inpasingkedna a nakasagana ti opisinada a makitinnulong kadagiti maseknan nga umili tapno maipadalan iti umiso a pannakaiproseso dagiti kasapulanda a dokumento.
Kunana a kalikagumda a maipadanon ti napintas ken nasayaat a serbisio para kadagitia amin a klienteda nga agturong iti opisinada.
Innayonna a saan a makisarita iti saanda nga empleado ti Land Transportation Office tapno maliklikan ti pannakabiktima ti scam.
