LAOAG CITY – Inbatad ni Ms Susan Gagarin, ti mangidadaulo ti Land Transportation Office ditoy ciudad ti Laoag nga awan pay dagiti napasamak a road rage ditoy probinsya.
Nupay kasta, kuna ni Garin nga agtultuloy latta ti naiget a panagmonitor da kadagiti motorista ditoy probinsya kalpasan dagiti nagsasaruno a napasamak a road rage iti National Capital Region.
Immunan iti daytoy, adda ti nagbalin a ballaag ni Land Transportation Office Assistant Secretary Markus Lacanilao kadagiti motorista a nairaman iti road rage a mabalin a tungpal biag a makanselar ti driver’s license da.
Maipalagip nga addan dagiti dadduma a nairaman iti road rage a nakanselar ti 90 nga aldaw ti lisensya da nga agmaneho idinto a dagiti dadduma ket naminpinsanen a naibabawi ti lisensya da nga agmaneho.
