LAOAG CITY – Paigetan ti Land Transportation Office ti agsita kadagiti motorista nga aglabsing iti Republic Act 10913 wenno ti Anti-Distracted Driving Act a daytoy ket ti panagusar ti cellphone bayat nga agmanmaneho.
Daytoy ti inpakaammo ni Miss Susan Gagarin, ti mangidadaulo ti Land Transportation Office ditoy ciudad ti Laoag.
Inbatad ni Gagarin a nabayagen daytoy a linteg ngem maobserbaran nga ado latta dagiti motorista a mangiraprapin ti panagusar ti cellphone iti panagmaneho da.
Nagballaag ni Gagarin a siasinno man a manglabsing iti nasao a linteg ket mapatawan ti multa a 5 ribo a pisos ken mabalin pay a masuspenso ti driver’s license.
Rakurak daytoy ni Gagarin kalpasan nga adda ti natiliw a maysa a content creator gapu iti panagivideo na bayat ti panagmaneho na iti maysa nga sports car iti Metro Manila.
