LAOAG CITY – Kalikagum nga isukat ni Luka Doncic manipud iti Dallas Mavericks a mapan iti Los Angeles Lakers kasukat ni Anthony Davis.
Makadua ni Doncic da Maxi Kleber ken Markieff Morris a mapan iti Lakers idinto a da Davis ken Max Christie met ket mapan iti Dallas. Maiyur-uray pay laeng ti panangaprobar ti NBA.
Karaman iti nasao a trade ti Utah Jazz no sadinno a ni Jalen Hood-Schifino ken dua a draft picks ket mapan iti Utah.
Ti damag seknan iti trade ket rimmuar kalpasan ti balligi ti Lakers kontra iti New York Knicks uray awan ni Davis iti ay-ayam gapu iti abdominal injury a sinagabana.
Naammoan a sipod pay idi paskua ket saan pay a nagay-ayam ni Doncic gapu iti calf strain.
Kabayatanna, daytoy a trade ket mangipaay ken ni Doncic ti baro a kadua kas kada LeBron James ti Lakers idinto ni Davis met ket makitinnulong ken ni Kyrie Irving iti Dallas.
