LAOAG CITY – Manarimaanen ti pannakatarimaan ti lubak-lubak a kalsada wenno ti maaw-awagan “abortion road” iti Barangay Uno, San Joaquin iti ili ti Sarrat.
Gapu iti daytoy, maragsakan dagiti residente gapu ta naikkan metlaeng ti importansya ti nabayag nga arungaing da.
Inbatad ni Barangay Chairman Arnel Paulino iti nadakamat a barangay a ti pannakatarimaan ti nasao a kalsada ket saan laeng a para kadagiti mismo a residente no di ket amin a dumaldalyasat iti lugar.
Maipalagip a naawagan kas “abortion road” ti nasao a kalsada gapu ta no adda ti masikog a dumalyasat ket nakaro ti pannakatagtag na.
