Adda kondision ti France sakbay a surotenna ti sumagmamano a pagilian tapno bigbigenna ti Palestinian state.
Segun ken ni French President Emmanuel Macron, mabalin a mapsamak laeng daytoy no maipatungpal dagiti panagbalbaliw iti Palestinian Authority.
Inaramidna ti statement kalpasan a nakisarita iti telepono ken ni Palestinian Authority President Mahmoud Abbas.
Mainaig iti daytoy, indanon ni Macron ti pannakaipatungpalda kadagiti “common visions” ken ti pammatalged ti seguridad.
Kabayatanna, inaramid ni Macron daytoy a komento kalpasan a pormal a binigbig dagiti pagilian ti Ireland, Norway ken Spain ti Palestinian state.
