LAOAG CITY – Nagun-od ti Magnolia HotShots ti umuna a balligi ti PBA Governors Cup kalpasan nga inabakda ti Converge FiberXers iti iskor nga 105-93.
Nagtinnulong da Ian Sangalang, Mark Barroca ken import Glenn Robinson III tapno maala ti crucial baskets.
Iggem ti Converge ti lamang no sadinno dimmanon pay ti 21 points ti lamangda agingga a kinamat daytoy ti Magnolia iti last quarter.
Inbatad ni Magnolia coach Chito Victolero a saannan nga inpalubos pay nga agrelaks pay dagiti dadduma nga umaayam iti naudi a lima a minuto isu nga inaramidda ti umiso a pressure iti ay-ayam.
Indauloan ti panangabak ti Hotshots ni Robinson a nakagun-od ti 28 points idinto nga addaan met ti 14 points ni Sangalang.
Nasayang met ti inaramid a 26 points, walo a rebounds ken lima nga assists ni Scotty Hopson ti Converge.
