LAOAG CITY – Nagballigi ti nagtipon a pwersa ti Criminal Investigastion and Detection Group ken ti Philippine National Police iti ili ti Pinili a nangarestar iti maibilang kas Most wanted person iti nasao nga ili.
Nabigbig ti akusado a ni Floyd Mercado alyas “Floyd”, agtawen ti 41, awanan ti asawa, mannalon, ken residente iti Barangay Capandangan iti ili ti Pinili.
Naarestar ti akusado babaen ti bileg ti warrant of arrest nga inparuk-at ni Judge Dina Myrtle Morales-Pacquing, Presiding Judge iti Family Court iti 1st Judicial Region ti Branch 6 iti ciudad ti Batac gapu iti kaso na a panaglabsing ti Republic Act 7610 wenno child abuse.
Nairekomendar ti 80 ribo a pisos a piyansa ti akusado para iti temporaryo a pannakawaya-waya na.
Iti agdama ket nagtalinaed iti Criminal Investigastion and Detection Group ti akusado ken manamnama ti pannakaidatag na iti naggapwan ti warrant of arrest.
