LAOAG CITY – Inpakaammo ni Bombo International News Correspondent Demetrio Rafanan a maiyuswat ti “500 year of Christianity of the Philippines” idiay Rome Italy intono Domingo, Marso 14 aldaw iti nasao a pagilian.
Kuna na a ditoy a masubok iti naiget a panagtalek dagiti Pilipino iti namarsua iti baet ti mapaspasaran a pandemiya no sadino a kasapulan a masurot dagiti pagalagadan.
Segun kenni Rafanan, idauloan ni Pope Francis ti misa kasta pay da Cardinal Luis Antonio Tagle, ti Prefect of the Congregation for the Evangelization of People, ken iti Centro Pilipino Chaplain Fr. Ricky Gente.
Inbatad na a manamnama nga ado a Filipino ti umatendar iti nasao nga aktibidad, kas kadagiti nagduduma a grupo ken dagiti siklista.
Kabayatanna, agtultuloy ti panagngato ti kaso ti COVID-19 iti Roma no sadinno nga adda dagiti sumagmamano a Filipino ti naapektaran.
Innayon na a maipanggep iti panagbakuna ket adda pay laeng iti panagamak daytoy.
