LAOAG CITY – Manamnama nga iwayat ti Pilipinas ken United States Air Forces ti maikadua nga iteration ti Cope Thunder air exercises ita nga umay a Hunio 17 agingga Hunio 28, 2024.
Segun ken ni Philippine Air Force Spokesperson, a ni Col. Ma. Consuelo Castillo, daytoy a panagsanay ket manamnama ti dakkel a bilang ti deployment dagiti army personnel-da ken dagiti eroplanoda ken dadduma pay nga equipments.
Kinunana, a ti air military drills ket paset ti panagsagana ti grupo da para iti umuna a pannakipaset ti Royal Australian Air Force “Pitch Black” exercises, no sadinno a dagiti eroplano ti Philippine Air Force ket naikeddeng a makipaset.
Kabayatanna, maangay ti “Pitch Black” exercise manipud Hulio 12 agingga iti Agosto 2, 2024, a pakipasetan dagiti personnel ken eroplano ti Air Forces ti nagduduma a pagilian.
