LAOAG CITY – Natamaan ti maikadua a kadakkelan a siudad ti Ukraine a Kharkiv a maibilang a “biggest” drone attck ti Russia.
Gapu iti daytoy, adda ti tallo nga indibidual ti kaudian a panangatake ti Russia iti Ukraine ken 21 a dadduma pay nga indibidual ti naipadamag a nasugatan.
Inbatad ni Kharkiv Mayor Ihor Terekhov, nangirubuat ti Russia ti 48 drones, dua a missiles ken uppat a gliding bombs nga agturong iti siudad iti napalabas a nagpatnag.
Adu ti nairekord a nadadael iti lugar no sadinno karaman ditoy dagiti naruay a pagtaengan ti natamaan.
Agtultuloy ti iparparuk-at a missile warnings ti Ukrainian Air Force gapu iti posibilidad a nakarkaro pay nga aerial strikes iti Kharkiv.
Kabayatanna, ti kaudian ken nalawa a panangatake ti Russia ket kagiddan ti major drone attack ti Ukraine iti airfields ti Russia iti napalabas a lawas.
