LAOAG CITY – Naselebraran ti maikapat a Garlic Festival ti Mariano Marcos State University iti siudad ti Batac.
Gagem ti nasao a festival a mapalag-an ti pinansial a problema dagiti mannalon ken ti panangpataud ti napinpintas a klase ti bawang.
Nagatendar iti naisayangkat a pressconference da Project Leader a ni Mr. Eric Chen, Mr. Kimio Takarada, Gen. Micheal Lee, Deputy Rep. Taipei Economic and Cultural Office Philippines, Ms. Katsura Yamauchi, Project Formulating Officer ken Dr. Nathaniel Alibuyog, Vice President for Research, Development Innovation.
Inbatad ni Chen nga adu dagiti wagas kas ti pannakaipaay dagiti kasapulan kadagiti mannalon pakairamanan dagiti farm equipment ken dadduma pay a mausar tapno napinpintas pay ti produksion dagiti mannalon ditoy probinsia.
