LAOAG CITY – Inbatad ni Senador Imee Marcos a saanen a mapatawan ti VAT wenno Value Added Tax dagiti amin a mailaklako nga agas ditoy pagilian.
Daytoy ket kalpasan a naaprobaranen iti Senado ti inpila na a gakat a pannakaikkat ti VAT kadagiti prescribed medicines.
Segun ken ni Senador Marcos, itantandudu na ti nasao nga addang tapno saan a marigatan dagiti Pilipino a gumatang kadagiti kasapulanda nga agas nangruna kadagiti nataengan.
Kuna ti Senadora a kabaelanen dagiti umili ti gumatang iti aniaman ti klase na nga agas kangrunaan na ket immunan nga adda ti pammilin ni Presidente Rodrigo Duterte a maibaba ti presio dagiti 133 nga agas a kangrunaan a gatgatangen dagiti addaan ti cancer, diabetes, high blood pressure ken dadduma pay a kangrunaan a sagsagabaen dagiti tattao.
