Inpetteng ti Senate Committee on Health, Chairperson ken Senador Christopher “Bong” Go a makariribuk unay ti naipadamag a panagkunsabo dagiti doktor ken kompania ti agas.
Daytoy ket kalpasan a dinakamat ti health advocate a ni Dr. Ni Anthony Leachon nga adda ti sumagmamano a kompania nga agrecruit kadagiti doktor a mangireseta iti agasda a kasukat dagiti luxury car, panagbiahe iti sabali a pagilian ken panangtarimaan iti condominum.
Mainaig iti daytoy, inawagan ti senador ti Department of Health (DOH), Professional Regulation Commission (PRC) ken dadduma pay nga ahensia ti gobyerno ken medical professional associations nga agimbestigar no pudno daytoy nga impormasyon.
Kabayatanna, inbatad ti senador a saan a maibilang dagiti conflict of interest a panaglabsing kadagiti ethical standards nangruna ket nakapusta ditoy ti biag dagiti Pilipino.
