LAOAG CITY – Mamati ti Malakanyang nga ad-ado pay dagiti indibidual a karaman iti maanomalya a flood control projects ti mabalud intono 2026.
Inpasigurado ni Presidential Communications Office Secretary Dave Gomez iti publiko a ti imbestigasyon ket saan a nagleppas laeng idi kaaldawan ti paskua.
Inkumpara na ti imbestigasyon iti kaso ni Janet Lim Napoles nga immabot iti sumagmamano a tawen iti nakairamanan na nga anomalya iti Priority Development Assistance Fund Scam (PDAF) no sadinno a ti flood control anomaly ket adda paylaeng iti lima a bolan.
Kalpasan ti lima a bolan ket rinugyanen ti Ombudsman ti nangipila kadagiti kaso kontra kadagiti karaman a personalidad.
