LAOAG CITY – Ad-adalen ti Malakanyang ti pannakaitantan ti Barangay ken Sangguniang Kabataan Elections (BSKE) iti baet ti krisis ken panagngato ti presio iti produkto a langis.
Inbatad ni Palace Press Officer Claire Castro, silulukat ni Presidente Ferdinand Marcos Jr. kadagiti singasing a makatulong iti pagilian pakairamanan ti gakat a mabalin a makainot ti agingga iti 16 bilyon a pisos no saan a matuloy ti eleksion.
Daytoy ket kalpasan nga adda ti sumagmamano a panawagan nga innem a bulan a pannakaitantan ti Barangay ken Sangguniang Kabataan Elections a naikeddeng inton Nobiembre 2 ken nairekomendar ti pundo daytoy tapno solbaren ti epekto ti panagngato ti presio ti langis.
Nupay kasta, immunan a nagdesision ti Korte Suprema a maikanniwas iti Konstitusion ti paulit-ulit a panangitantan ti nasao nga eleksion.
