LAOAG CITY – Manamnama ti pannakaestablisar ti training center ti Philippine Coastguard (PCG) ditoy Ilocos Norte.
Daytoy ti inbatad ni Lt. Mary Rose Ignacio, PCG Provincial Commander ditoy probinsya.
Inlawlawag na nga iyur-uray da laengen ti documentation ditoy ciudad ti Laoag no sadinno a ti gobierno iti ciudad ket mangidonar ti 5 nga ektarya a lote iti PCG.
Inpakaammo na a ti plano nga ipatakder a training center a maipatakder iti Barangay Lapaz ditoy ciudad ket kabaelan na ti mangakomodar iti 400 agingga iti 600 a trainees pakairamanan ti 50 nga staff.
Innayon na a no maipursige daytoy ket makaparnuay ti ado a trabaho ditoy probinsya.
Makatulong pay daytoy iti pannakaitandudo ti turismo ditoy probinsya ken maliklikan dagiti illegal nga aktibidad.
Kuna na pay a ti nasao a training center ket paset ti Marcos Legacy.
