Inpasigurado ni Philippine National Police (PNP) chief PGeneral Jose Melencio Nartatez Jr. nga ipilaanda ti kaso ti siasinnoman a mangproprotehir ken mangilemlemmeng ken ni Senador Ronald ‘Bato’ Dela Rosa.
Segun iti hepe ti Philipinne National Police nga agtultuloy ti ar-aramidenda a panagbirok iti aglemlemmeng a senador.
Kunana a dagiti asideg ken posible a nakadua ti senador ket turturonganda ken kinasarsarita tapno maamoan no sadinno ti lugar ti senador.
Immunan iti daytoy, inanunsio ni Interior Secretary Jonvic Remulla nga adda inlatangda a P50 million a gunguna para iti insigida a pannakatiliw ti senador.
Malaksid iti daytoy, nangipaay pay ni Nartatez ti maysa a lawas nga ultimatum tapno boluntario a sumuko ti senador sakbay ti isayangkatda a naiget nga operasion tapno maarestar daytoy.
