LAOAG CITY – Naaprobaran kas valid ti Municipal Ordinance No. 2024-02 maipapan iti mandatory a panagisuot ti helmet kabayatan iti panangiturongda iti motorsiklo iti ili ti San Nicolas.
Daytoy nga ordinansa ket indasar ni Hon. Ryan John Pascua, ti Chairman iti Committee on Land Transportation kabayatan ti pannakaisayangkat iti regular session ti Sangguniang Panlalawigan.
Inbatadna a daytoy nga ordinansa ket para kadagiti amin a motorista a dumadalyasat iti ili ti San Nicolas.
Inlawlawagna a dagiti aglabsing iti nasao nga ordinsa ket mapatawan ti multa no sadino iti first offense ket agmulta ti 1,500, iti second offense ket 3,000, iti 3rd offense ket 5,000 idinto a 4th offense ket 10,000 ken makumpiskar iti lisensia dagitoy.
Kabayatanna, naammoan nga adda ti 13 nga agpanpanday linteg ti nagbutos iti nasao nga ordinansa.
