LAOAG CITY – Napalalo ti luksaw ti maysa a mangisursuro iti ili ti San Nicolas kalpasan a naallilaw iti pananggatang na ti laptop babaen iti online.
Segun ken ni Police Senior Staff Sergeant Jennifer Tacla, Desk Officer iti PNP-San Nicolas, umabot ti 17 ribo a pisos ti inpatulod ti saanen a nagpabigbig a biktima iti peke nga online seller nga agnagan ti Joefel Sebastian.
Kuna na a ti nangibasaran laeng ti biktima ket ti Facebook Account ti suspek.
Inlawlawag ni Tacla a basar iti biktima, kalpasan a naipatulod na ti kwarta ket saanna pulosen a makontak ni Sebastian.
