LAOAG CITY – Inbatad ni Mrs. Vilma Eda, DepEd Supt ti Ilocos Norte a masapol nga amwen nga umuna no apay adda ti tattoo ti maysa a mangisursuro.
Inlawlawag na nga adda dagiti nagkauna a tribo a nagpa-tattoo kalpasan nga adda ti accomplishment da.
Nupay kasta, kuna ni Eda a no nagpatatto ti maysa a mangisursuro tapno paglastog na laeng ket saan a maiparbeng ken possible nga adda ti negatibo nga epekto na kadagiti ubbing.
Innayon na nga adda dagiti lugar ditoy pagilyan a saan a makaawat ti panagtat-tattoo ti tao ngem adda met dagiti makaawaten laketdi saan a negatibo ti iparangarang ti tattoo.
Mainaig iti daytoy, kuna ni Eda a para kenkuana ket narisgo ti agpat-patattoo gapu ta mabalin a pakaalaan ti impeksyon gapu kadagiti dagom a maus-usar.
Inpakaammo ni Eda a mabalin nga ikunsoltar da daytoy a banag kadagiti tattao wenno legal officer no ania ti rumbeng a maaramid.
Reaksyon daytoy ni Eda kalpasan nga adda ti nangidanun ti bombo radyo no rumbeng a makondenar wenno mababalaw dagiti mangisursuro nga adda ti tattoo na.
