LAOAG CITY – Kinumpirmaran ni Police Chief Inspector Lawrence Ganuelas, chief of police ti PNP-Pagudpud nga awan pay ti natiliwan da nga iligal a paputok.
Segun kenni Ganuelas, dagiti laeng natiliwan da ket dagiti inaramid dagiti menor de edad nga innem a boga.
Inbatad na a boluntaryo met nga insuko dagiti maseknan nga ubbing dagiti toy cannon da a boga.
Inpasingked na nga awan ti otorisado nga aglaklako ti paputok iti nasao nga ili gapo ta mabalin a saan da a nakaala ti permit.
Maragsakan met ni Ganuelas gapo ta awan pay ti mangegan da a kanilbuong ti paputok iti nadakalamat nga ili.
