LAOAG CITY – Agtultuloy ti manhunt operations para iti kabsat ni dismissed Bamban, Tarlac Mayor Alice Guo a ni Wesley Guo segun iti Bureau of Immigration.
Segun kenni Bureau of Immigration Fugitive Search Unit chief Rendel Ryan Sy, ikagkagumaanda pay laeng a maammuan ti ayan ni Wesley Guo.
Kinunana pay a basar iti impormasionda, pimmanawen ni Wesley iti Batam, Indonesia ken naipadamag nga adda iti special administrative region ti China, Hong Kong.
Maipalagip nga immun-una nga inbilin ti Senado ti pannakatiliw ni Wesley gapu iti saan a nagatendar kadagiti hearing mainaig iti illegal nga aktibidad dagiti na-raid a Philippine Offshore Gaming Operators (POGOs) iti laksid dagiti naipaulog a pakaammo.
Gunutigot met ti abogado ni Wesley Guo a ni Atty. Stephen David a sumuko ti kliyentena idi nakisarita kenkuana iti telepono idi Mierkoles, Setiembre 5, ti aldaw a naarestar met ti kabsatna a ni Alice Guo idiay Indonesia.
