LAOAG CITY – Mangiwayat ti transport group a PISTON ken MANIBELA ti dua nga aldaw a tigil pasada inton Setiembre 23 ken 24.
Basar iti grupo nga agtultuloy ti maipagarup a panangipit ti Land Transportation Franchising and Regulatory Board (LTFRB) iti kumpirmasionda tapno makarehistro.
Kiddaw ti grupo iti Land Transportation Franchising and Regulatory Board a maisubli ti lima a tawen a validity ti prangkisada ken karaman iti panangiwayat ti tigil pasada ti naranggas a dispersal kadagiti kakaduada iti siudad ti Bacolod.
Manamnama nga amin a miembroda iti intero a pagilian ti makipaset iti nasao a tigil pasada no sadinno nga umad-adun dagiti miembroda a kontra iti panag-phaseout kadagiti traditional jeep ken ti ilunglungalong ti gobierno ti modernization program.
