LAOAG CITY – Nakasaganan ti tallo nga aldaw a “tigil-pasada” ti grupo a Samahang Manibela Mananakay ken Nagkaisang Terminal ti Transportasyon (Manibela).
Inbatad ni Manibela President Mar Valbuena a maiwayat daytoy inton Hunio 10 agingga 12.
Dumanon iti 100 a ribu dagiti miembroda ti makipaset nga aggapu iti Metro Manila, Calabarzon, Central Luzon, Ilocos Region ken Cordillera Adminstrative Region.
Mangisayangkat pay dagitoy ti tignay-protest iti sango ti opisina ti Metropolitan Manila Development Authority.
Kabayatanna, kinagura ti grupo ti panangtiliw kadagiti pampasahero a jeepney a saan a nangala ti consolidation.
