LAOAG CITY – Rinaut dagiti otoridad ti maysa a balay iti uneg ti maysa a subdibision iti Angeles City, Pampanga a mapapati a paglemlemmmengan ni Senador Ronald “Bato” dela Rosa.
Daytoy ket indauluan ti operasion iti babaen ti Criminal Investigation and Detection Group (CIDG) ken ti National Bureau of Investigation (NBI).
Segun ken ni Barangay Balibago chairman Joseph Ponce, a nangrugi ti operasion iti alas 6 ti bigat.
Saan a nakita dagiti otoridad ni Dela Rosa iti nasao a lugar ngem nakitada dagiti lugan nga adda pakainaiganna iti senador.
Saan pay nga nangiparuk-at ti CIDG ti kanayonan nga impormasion mainaig iti daytoy.
