LAOAG CITY – Inpakaammo ni Mayor James Bryan Alcid a ngimmato ti revenue wenno mapaspastrek ti Laoag City General Hospital wenno LCGH.
Segun kenkuana, daytoy ket maibasar iti report manipud iti nadakamat nga ospital.
Inbatadna a ngimmato ti mapaspastrek ti Laoag City General Hospital no maidasig iti napalabas a tawen ken daytoy ti kangatoan sipod idi 2021.
Inlawlawagna a daytoy ket saanna a kayat a saoen a nagud-oddan para iti pagsayaatan ti Laoag City General Hospital no diket mangipakita laeng nga adda ti nagbaliwanna no idasig iti napalabas a tawen.
Innayonna a kasapulan pay ti naan-anay a panangtutok tapno ad-adda pay a napinpintas ti serbisio ti maipaay kadagiti umili.
