LAOAG CITY – Imbestigaren a naimbag ti konseho iti ili Bacarra ti mapukpukaw a pondo ti asosasyon dagiti senior citizens iti nasao nga ili.
Daytoy ti inbatad ni Sang bayan member George Padre iti ili ti Bacarra.
Segun ken ni Padre, immuna a napukaw ti 770 a ribo a pisos a pondo ti asosasyon ken simmaruno ti nasurok a 200 a ribo a pisos.
Inpalgak na a saanna a maawatan no kasanu ti pannakapukaw dagiti agkakadakkel a pondo ti nasao nga asosasyon.
Inpetteng na a masapol nga imbestigaren da daytoy a naimbag ken agsungbat dagiti responsable iti pannakapukaw ti pondo.
