LAOAG CITY – Agtalinaed ni Senador Rodante Marcoleta ti maysa a lawas iti infirmary ti New Quezon City Jail no sadinno a nakaibalod isuda Senador Jinggoy ket ni dati a Senador Ramon Revilla.
Inlawlawag met ni Bureau of Jail Management and Penology (BJMP) spokesperson Jayrex Bustinara a daytoy ket saan nga special treatment iti senador gapu ta maitipon to met daytoy iti dadduma a nakaibalod.
Inlawlawag ni Bustinera a maysa a lawas nga maobserbaran ken maipadalan iti quarantine ni Marcoleta gapu ta addaan daytoy ti risk factor kas kuma ti edad ken mild pneumonia iti baet ti panangngato ti kaso ti COVID-19 cases iti Quezon City.
Kunana nga iti oras a maiyakar ni Marcoleta iti general population, makadwana iti maysa a pagbaludan ti 9 a sabali pay nga indibidual a deprived of liberty (PDL). Addaan ti kalawa a 50-suare meter ti pagbaludan, dua a ceiling fans, ken maysa a ‘Shared TV’.
Maiparit met kunana ti panagusar ti gadget, cellphone, laptop, ken access iti internet.
Kabayatanna, inlawlawag met ni Bustinera nga agsina ti pagbaludan da Marcoleta, Estrada, ken Revilla gapu ta agduduma ti petsa a naibalod dagitoy ken gapu ta napunno dagiti selda isu ti gapuna a no ana ti available a pagbaludan ket isu ti papanan ni Marcoleta.
