LAOAG CITY – Pormalen nga inikkat ti Eraserheads ti miembroda ken lead guitarist a ni Marcus Adoro mainaig iti akusasion ti sexual harassment.
Inbatad ni Ely Buendia, lider ti Eraserheads, iti post-na iti online ket bigbigbigenda dagiti akusasion ken naigetda a konkondenaren ti aniaman a klase ti panangabuso.
Daytoy a rakurak ket kagiddan ti panangiruar ti pelikula ti Eraserheads a ‘Combo on The Run’, a mangibagbaga ti estoria ti banda pakairamanan ti reunion concert-da idi 2022.
Gapu iti daytoy, nagdesision ti grupo nga ikkaten pay laeng ni Marcus manipud kadagiti proyekto pakairamanan ti dandanin a concert ti banda inton Mayo 31 iti Festival Grounds idiay Parañaque City.
