LAOAG CITY – Natay ti maysa a trainee ti Philippine Marine Corps bayat a dumaldayan ti swim training iti Ternate, Cavite.
Basar iti imbestigasyon ti pulisya, ti biktima ket napukawan ti poot bayat nga adda iti kangitingitan ti swim training.
Dagus a naikabil ti trainee iti ospital ngem saanen a nakapoot pay.
Inpasingked dagiti kakadwa ti biktima a trainee metlaeng, awan ti hazing wenno panagabuso a napasamak gapu ta ti training ket naka-focus laeng iti physical conditioning.
Iti babaen ti ocular inspection, nakumpirmaran ti pulisya a dagiti pasilidad iti uneg ti marine base ket naurnus ken natalged.
Indanun ti Philippine Marine Corps ti pannakipagladingit da iti pamilya ti trainee.
Iti agdama, maiyur-uray paylaeng ti resulta ti autopsya ti bangkay ti nasao a biktima.