LAOAG CITY – Naiyakar paylaeng iti Laoag City Hall ni Civil Security Unit (CSU) Personnel Gebson Cabacungan kalpasan a maipagarop a dinanug ni Market Inspector Arsenio Domingo iti mismo a merkado publiko ditoy siudad ti Laoag.
Basar iti report, rumrumuar a ti inpakaammo ni Domingo ket aghalf-day laeng daytoy ngem naduktalan ni Cabacungan nga whole day ti nairekord a panagduty na.
Gapu iti daytoy, inrekord ni Cabacungan banag a maipagarop a saan a nagustuwan ni Domingo isut gapuna a napanna kinomprontar ti kameng ti Civil Security Unit (CSU).
Inpalgak ni Cabacungan a dinanug ni Domingo ti barukong na ngem naglikudan daytoy ti market inspector no sadinno nga inpetteng na nga induron na laeng ti kameng ti Civil Security Unit.
Inpakaammo ni Cabacungan a napanna inreport ti napasamak iti Philippine National Police ngem naibalakad a pagsasaritaan da paylaeng nga umuna ti napasamak iti biang ti barangay.
Inpasingked ni Civil Security Unit babaen Head Ramelito Piedad a malaksid ti panangiyakar da iti City Hall ken ni Cabacungan ket agtultuloy ti iyus-uswat da nga imbestigasyon mainaig iti nasao a pasamak.
Mainaig iti daytoy, adda dagiti sumagmamano a nakaimatang ti napasamak a nangipaneknek a pudno a dinanug ni Domingo ni Cabacungan.
