LAOAG CITY – Inlawlawag ni Atty. Joel Gines, ti Provincial Election Supervisor ti Ilocos Norte a masapol nga adda ti maipasa a linteg iti pannakasukat dagiti pagaladan para iti substitution, panagwithdraw ken dadduma pay iti eleksyon.
Segun kenni Gines, no adda ti maipasa a linteg ken no anya ti nakailanad iti daytoy ket isu ti suruten ti komisyon.
Mainaig iti daytoy, para kenni Atty. Gines, no mabalin ket awan ton ti extension ti substitution ken maaramid laeng daytoy depende iti rason kas iti pannakatay wenno pannakadiskwalipikar ti maysa a kandidato.
Ummuna iti daytoy, inbatad ti Comelec nga intono malpas ti eleksyon ket posible a matratar ti pannakaamendar ti election laws.
Kabayatanna, kuna ni Gines nga intono Marso 22 ket malpas ti training dagiti mangisursuro nga agserbi kas electoral board intono eleksyon.
Innayon na a makaanay met ti manpower para kadagiti agserbi intono eleksyon.
