Sinelebraran dagiti fur moms ditoy probinsia ti National Dog Mom’s Day iti dakkel a mall iti siudad ti Laoag.
Segun ken ni Ms. Gab de Luna, information officer ti SM City Laoag, a sangsangkamaysa nga intugot dagiti fur moms dagiti tarakenda nga aso.
No adda ti Mother’s Day Celebration ket adda met ti Fur Mom’s Day wenno National Dog Mom’s Day.
Kinuna ni De Luna a dagiti nagatendar ket naipaayan ti libre a pet wellness services, pakairamanan ti konsultasion, pannakapurga, anti-rabies vaccination, ken pannakaitandudo ti responsible pet care.
Malaksid iti daytoy, naipaayan pay ti goodies manipud kadagiti nagduduma a partners ti dakkel a mall pakairamananen ti Provincial Veterinary Office, Office of the City Veterinarian, ken dadduma pay a pribado a kompania.
Innayon ni De Luna a gagem daytoy nga aktibidad a mapagmaysa ti komunidad ken mangbigbig kadagiti aniaman a klase wenno porma iti panagbalin a fur mom.
