LAOAG CITY – Inpakaammo ni Mason Amos ti ipapanawna iti Ateneo de Manila University kas University Athletic Association of the Philippines player.
Iti online post ni Mason, makita nga agyamyaman daytoy iti team, coach ken amin a padana nga Ateneans.
Malaksid iti daytoy, insuratna pay a nakatulong isuna iti pananggun-od ni Ateneo iti average a 8.87 a puntos ken 3.4 a rebounds iti daytoy nga University Athletic Association of the Philippines Season 86.
Agyamyaman unay ni Amos kadagiti amin a kaduana idiay Ateneo, ken maipagpannakkelna ti bagina gapu iti panagbalinna a paset ti Ateneo.
Kabayatanna, agay-ayam pay laeng ni Mason iti Men’s basketball iti University Athletic Association of the Philippines, ngem saan a kas Ateneans no di ket iti De La Salle University.
