LAOAG CITY – Naiyuswat ti mass swab testing kadagiti empleado wenno aglaklako iti merkado publiko iti ili ti San Nicolas.
Daytoy ket kas paset ti addang tapno maliklikan ti ad-adda a panagwaras ti virus ken tapno madeterminar no siasinno kadagitoy ti nakaptan ti covid-19.
Ti mass swab testing ket naisayangkat a mismo iti San Nicolas Mini Cultural Center
Naiget met a maisaysayangkat ti contact tracing no sadinno ket tallo a contact tracers ti ili ti San Nicolas ken 10 manipud iti gobierno probinsyal.
Kabayatan ti mass swab testing ket adda met dagiti kameng ti PNP a timmulong tapno mapagtalinaed ti social distancing ken dadduma pay a pagannurutan.
