LAOAG CITY – Inpasingked ti P/Maj. Rely Layug, ti pannakangiwat ti Ilocos Norte Police Provincial Office a mapatawan a dagus ti multa dagiti matiliwan a saan a nakasuot ti face mask ken saan a sumursurot iti social distancing ditoy probinsya.
Segun kenni Layug, awanen ti warning kadagiti aglabsing iti nasao a pagalagadan gapu ta epektibon ti ordinansa a mangipataw ti multa a 5 ribo a pisos kadagiti violators.
Inbatad na a daytoy ti kapintasan nga istratehiya tapno masigurado a masurot dagiti pagalagadan iti General Community Quarantine (GCQ) gapu iti agdama a mapaspasaran a krisis a gubuay ti covid-19..
Kabayatanna, inbatad ni Layug nga awan pay dagiti natiliwan wenno nagmulta gapu iti saan a panagusar ti face mask ken saan a sumursurot iti social distancing ditoy probinsya.
