LAOAG CITY – Inlawlawag ni Mayor Boyet Quilala iti Currimao, Ilocos Norte ti naidanun a reklamo ditoy Bombo Radyo mainaig ti maipagarop a pannakibibiang ti asawa na a ni Mrs. Judith Quilala kadagiti transaksyon iti opisina na.
Inbatad ti mayor a dinutukan na ti asawa na kas administrative assistant.
Segun kenkuana, awan ti linabsing na a paglintegan gapu ta masapol a ti alaen na para ti nasao a posisyon ket ti pagtalkan na, ket ti asawa na ti immuna a napanunot na.
Innayon na a no kwalipikasyon ti pagsasaritaan ket saan a paudi ti asawa na.
Nupay kasta, inpasingked ti mayor a temporaryo laeng ti panagbalin a sekretaryo ti asawa.
