LAOAG CITY – Saan nga umanamong ni Mayor Cresente Garcia iti offshore wind farm a maestablisar iti ili ti Burgos.
Segun kenkuana, ti kangrunaan a pagsapulan ti taga Burgos ket panagkalap isut gapuna a maamak daytoy amangan no awanton ti ikan a makalapanen dagiti residente nga epekto ti nasao a proyekto.
Inlawlawagna a ti proyekto ket posible a mangitunda ti vibration a mangpatalaw kadagiti ikan iti nasao a lugar.
Inpaganetgetna a saanda nga isakripisio ti pagsapulan dagiti residente nupay ikarkari ti kompania a makaitedda ti 300 a trabaho.
Innayonna a no manarimaan ti pannakaestablisar ti proyekto ket nasayaat nga adda ti pagtrabahoan dagiti residente ngem no malpasen ket awanen isu nga arig ket agbalin laeng a temporario daytoy.
