LAOAG CITY – Inbatad ni Mayor-elect James Bryan Alcid nga awan pay ti panagsarita da kenni Mayor Michael Marcos Keon kalpasan ti eleksyon.
Segun kenkuana, agtext koma kenni Mayor Keon ngem amangan no sabali ti pagawatan na iti mensahe na.
Nupay kasta, kunana a plano na a mapan kasarita a personal ti mayor gapu ta no text laeng ti pangidalanan na iti mensahe na ket arigna saan a saan a professional.
Inlawlawag ni Alcid nga awan ti rason tapno saanna a kasarita ni Keon gapu ta awan met ti nagririan da a dua.
Maipalagip a ni Alcid ti napagasatan a nangabak iti panaglaban da kenni Mayor Keon iti kalepleppas a 2025 Midterm Elections.
