LAOAG CITY – Kalikagom ni Mayor-elect James Bryan Alcid a kasarita ti kada department heads iti gobierno lokal ditoy ciudad ti Laoag tapno amwen no ania dagiti rumbeng a maisimpa ken maiplastar iti panagtugaw na iti pwesto.
Segun kenkuana, masapol nga iyalisto ken doblienda ti oras a panagtrabaho da gapu ta masapol a gundawayan da ti panawen a saan pay a nalpas ti termino ni Presidente Ferdinand Marcos Jr.
Kunana a daytoy ket tapno al-alisto ti panagkiddaw da iti gobierno nasional kadagiti pagkasapolan ti tunggal maysa karaman dagiti tulong manipod iti congressional ken provincial government.
Inbatad na a ti kinaado dagiti departamento iti gobierno lokal ket masapol a mabisita da dagitoy, karaman ti Laoag City General Hospital a masapol nga ipresentar da ti business review da.
Maipalagip a mangrugi nga agtugaw dagiti naelektaran iti napalabas nga eleksyon intono Hunyo 30 ita a tawen.
