LAOAG CITY – Nagsapata a dagus ni Vice Mayor Eileen Llaguno Guerrero kas baro a mayor iti Paoay, Ilocos Norte.
Daytoy ket kalpasan ti pannakaiserbi ti dismissal order kontra ken ni Mayor Jessie Galano gapu ti sangsangwen na a kaso administatibo.
Ti kaso ni Galano ket seknan pay laeng ti panagperma na ti travel order ni dati a Sang Bayan member Bruno Dumlao idi bise mayor iti nasao nga ili.
Segun ken ni Guerrero, pinagsapata daytoy ni Hon. Judge Conrado Ragucos kas baro a mayor iti ili a Paoay.
Iti eksklusibo nga interview ti Bombo Radyo Laoag ken ni Guerrero, inpasingked na nga aramiden na amin a kabaelan na tapno maannong na ti trabaho ken responsibilidad na kas ina ti nasao nga ili.
Immapela pay ni Guerrero kadagiti kailian na ti kooperasyon da kadakuada a baro a mangidaulo iti ili a Paoay.
