LAOAG CITY – Inpakaammo ni Mayor Albert Chua a kanayon a malaylayos iti Brgy. Ricarte iti siudad ti Batac.
Daytoy ket gapu iti nababa a lokasion dagiti balbalay ken kalsada iti nadakamat a barangay ken asideg daytoy iti Sta. Rosa Creek no sadinno nga uray saan a napigsa ti tudono mapunno ti danom iti nadakamat a karayan ket awan ti pagturungannan no di ket iti kalsada ken dagiti babballay.
Nupay kasta, naipakaammon iti biang ti Department of Public Works and Highways (DPWH), opisina ni Governor Matthew Manotoc, ken uray ken ni Presidente Ferdinand Marcos Jr., ti nadakamat a parikut ti siduad tapno alisto a maikkan ti solusyon.
