LAOAG CITY – Inlawlawag ni Mayor James Bryan Alcid nga adda iti nadanun na nga ordinasa maipanggep kadagiti agpwesto iti baba wenno open market iti Laoag City Public Market and Commercial Complex.
Inbatad na a basar iti ordinansa ket dagiti adda ti pwesto na iti ngato wenno iti mismo merkado publiko ket isu iti prayoridad a makapwesto iti baba wenno iti open market.
Kuna ti mayor a masapol a suruten ti naipalaon iti ordinasa a tapno awan dagiti tumaod a problema.
Innayon na a ti gobierno lokal ditoy ciudad ti Laoag ket sumursurot laeng kadagiti linteg ken pagannurutan para iti pagsayaatan ti amin.
Namonganay daytoy a panagpalawag ni Mayor Alcid kalpasan nga adda dagiti sumagmamano nga agrekreklamo iti panagpwesto da iti baba iti Laoag City Public Market and Commercial Complex.
