LAOAG CITY – Inbatad ni Mayor James Bryan Alcid ditoy ciudad ti Laoag nga idi konsehal paylaeng ket mabuteng a mapan iti Laoag City General Hospital.
Daytoy ket gapu kadagiti maibagbaga a reputasyon ti nadakamat nga ospital iti kallabes.
Nupay kasta, kuna na nga iti ibibisita na iti nasao nga ospital iti kallabes ken iti umuna nga aldaw a panagtugaw na kas ama ti ciudad ti Laoag ket awan met nakita na problema.
Iti baet daytoy, inrakurak ni Alcid a kasapulan nga isagana ti Laoag City General Hospital ti business review nga idasar da intono huwebes, Hulyo 3 tapno makita no ania dagiti rumbeng a mapadur-as.
Immuna iti daytoy, inpakaammo ni Mayor Alcid a nabalbaliwan ti tagline ditoy ciudad ti Laoag iti “ALISTO ASENSO, PROGRESO” nga isu ti pagibasaran iti performance na iti uneg ti tallo a tawen a panagtakem na.
Kunana a kasapolan a maiyalisto amin a programa a marikna, makita iti tunggal indibidula ditoy ciudad ti Laoag ken awan ti masayang nga oras iti panagserbi na.
