LAOAG CITY – Naipaiman ti Provincial Prosecutor’s Office iti Municipal Circuit Trial Courts (MCTC) iti ili a Paoay ti resolusyon nga inparuk-at ti Ombudsman.
Daytoy ket mainaig ti pannakaipila ti reklamo kriminal kontra kada Mayor Jessie Galano ken ni dati a sang bayan member ken agdama a administrador Bruno Dumlao.
Naipalaon ti nasao a a resolusyon ti pannakaipila ti reklamo a usurpation of authority kontra kenni Mayor Galano idinto a panaglabsing ti Article 7171 ti Revised Penal Code met ken ni Dumlao.
Ti nasao nga isyu ket adda pay laeng ti pannakainaig na ti inpila a reklamo ni dati a Mayor Dolly Clemente gapu ti maipagarop a pannakapeke dagiti dokumento ken resibo seknan ti maibagbaga a panagatendar ni Dumlao ti seminar iti sabali a lugar.
Nagbalin nga isyu daytoy gapu ta maipagarop a saan a pudno a napan nagseminar ni Dumlao iti sabali a lugar idinto a nakakubrar ti pondo.
Rumrumuar a ti nagbalin met a partisipasyon ni Galano ket ti panagperma na kadagiti nasao a dokumento.
