LAOAG CITY – Saanto pulos a mapasamak a mapagbalin a pribado ti Laoag City General Hospital (LCGH) ditoy ciudad ti Laoag.
Daytoy ti inpasigurado ni Mayor Michael Marcos-Keon ditoy ciudad ti Laoag.
Segun iti mayor, saan a ti pannakapagbalin a pribado ti Laoag City General Hospital ti makasolbar kadagiti sumagmamano a problema iti nadakamat nga ospital.
Kuna ni Mayor Keon nga inwalin dan ti opsyon a pannakapagbalin a pribado ti Laoag City General Hospital.
Innayon na a ti aramiden da ket ti makikoordinar iti Department of Health ken Metro Pacific tapno masolusyunan dagiti sangsangwen a problema iti nadakamat nga ospital.
