LAOAG CITY – Simple laeng a selebrasyon ti kalikagom ni Mayor Michael Marcos Keon ditoy ciudad ti Laoag iti panagkasangay na intono bigat, Setyembre 22.
Segun kenni Keon, adda laeng ti maiyuswat a libre a MMK fun run nga inisponsoran dagiti nagduduma a personalidad.
Gapo iti daytoy, namnamaen ni Keon nga umabot ti lima agingga iti innem a ribo a tao ti makipagpartisipar iti nasao a fun run.
Kunana a kalpasan ti fun run intono bigat ket mangiyuswat ti flag raising ceremony ken misa iti city hall inton lunes kas paset ti panagyamanna iti diyos iti pannakadanun manen ti panagkasangay na.
Mainaig iti daytoy, awan ti sabali kiddaw wennu birthday wish ti mayor no saan a ti pannakakaya na kadagiti amin a pannubok iti ummuna a termino na kas mayor ditoy suidad ti Laoag.
