LAOAG CITY – Naawaten ni Mayor Ferdinand Aguinaldo iti ili ti Pasuquin ti pammilin a maikkat ti karbengan na a mangmandar iti Philippine National Police (PNP).
Daytoy ti inbatad ni Police Senior Inspector Joseph dela Cruz, chief of police ti PNP Pasuquin.
Segun kenni Dela Cruz, sakbay pay a naawat ti Aguinaldo ti oder manipud it Department of Interior and Local Government (DILG) babaen kenni officer-in-charge Catalino Cuy ket ammon ti Mayor ti nasao a banag.
Nupay kasta, kuna ni Dela Cruz a nakigtot latta ni Aguinaldo idi napan na inted ti nasao nga order.
Inbatad na nga awan pay ti pammilin no mano nga aldaw a maawanan ti police power ti nasao a Mayor.
Mainaig iti daytoy, kuna ni Dela Cruz a kitaen na ti rekord da no adda ti report iti iligal a droga a pakairaman ni Aguinaldo.
Maipalagip a mapagatapan a karaman ti Mayor kadagiti narco-politicians ditoy pagilyan.
